Troetelkombersies!

Renée Swanepoel  –  December 7, 2023

Een van ons Murraysburg-vriendinne, Vonita Nieuwenhuys, is in ‘n stryd met borskanker gewikkel. Een van ons VLV-lede het die idee van ‘n troetelkombersie vir haar ‘n werklikheid gemaak. Die hekel blokkies (15 X 15 cm, 143 in totaal) was genoeg vir ‘n queen bed en die brei blokkies (15 X 15 cm, 56 in totaal) is ‘n lekker tv-kamer kombersie. Ons dink almal se handewerk het pragtig bymekaar gekom. 36 dames het al hierdie blokkies gebrei en gehekel.