VLV leer “string art”

Renée Swanepoel  –  August 19, 2024

 

 

“String Art” oftewel spyker-en-wol kuns deur Adri Krüger 

 

Die lede word bekend gestel aan “string art” oftewel spyker-en-wol kuns.

Afdrukke van prente met redelik eenvoudige buitelyne word gebruik:

• Plaas prent op plankie.
• Spykertjies word reëlmatig ewe ver van mekaar op die buitelyne ingekap.
• Beplan dat daar by elke hoek of punt ’n spykertjie kom om te sorg dat die prentjie behoorlik gevorm word. Verwyder nou die prentjie.
• Gebruik dun wol, hekeldraad of gare om die prentjie te span – oorkruis en van spykertjie tot spykertjie.
• Spanwerk moet sinvol gedoen word om die prente te laat vorm aanneem en te laat uitstaan.
• Die draad kan ook in lae gespan word om verskillende effekte te gee, byvoorbeeld spirale.
• Jy kan meer as een keer om dieselfde spykertjie span.
• Die buitelyn is belangrik. Die gebruik van ’n effe donkerder kleur om die buitelyn te beklemtoon werk goed.
• Baie ingewikkelde portrette kan ook op hierdie manier gemaak word.