VLV Murraysburg vier 90ste verjaardag!

Renée Swanepoel  –  November 27, 2022

90 ste Verjaarsdagviering in die Skousaal, 19 November 2022

• 17 lede en 21 gaste was teenwoordig.
• Groeteboodskappe is ontvang van Barbara Theron en Johanna van der Merwe.
• Borge: KVB en Murraysburg DLV – bedank.
• Johanna het Murraysburg VLV se geskiedenis van die afgelope 90 jaar kernagtig en interessant saamgevat en Renée Swanepoel lees dit voor.
• Renée Swanepoel stel ’n heildronk op ons tak in met die woorde van Jaco van den Berg, voorsitter DLV: “Die Murraysburg Landbouvereniging wil van hierdie geleentheid gebruik maak om die Vrouelandbouvereniging van Murraysburg geluk te wens met hulle 90ste bestaansjaar. Die VLV het in hierdie tyd diep spore getrap in die gemeenskap en as lede van die Landbouvereniging bedank ons elke VLV lid vir hulle onbaatsugtige diens en ondersteuning. Niks is meer indrukwekkend as ’n vrou wat vas staan in die unieke manier waarop God haar geskape het nie – Simone Trollip.”
• Tannie Dorees Pienaar, wat reeds 63 jaar lank lid is, sny die verjaarsdagkoek.
• Elsabé Aldrich, ’n pretprater lewer ’n opgewekte motiveringstoespraak.
Winnie the Pooh aan Piglet: Watter dag is dit?
Piglet: Dis vandag.
Winnie the Pooh: My gunsteling dag.
Sy eindig op ernstiger noot om ons in die regte gees vir Kersfees te kry.
• Almal geniet ’n heerlike buffet-ete.
• Daar is 6 stalletjies by die kersmark.